நன்றி: எழுத்தாளர் ராமசந்திரன் உஷா.

பத்து நிமிடங்களுக்கு மேல் உட்காரமுடியாமல் முதுகுவலியால் கஷ்டப்பட்டாலும் தொலைப்பேசியியில் குறிப்பைப் பகிர்ந்துகொண்ட எழுத்தாளர் ராமச்சந்திரன் உஷாவிற்கு நன்றி. அவர் விரைவிலேயே நலம்பெற்று இன்னும் பல நல்ல குறிப்புகளைப் பகிர்ந்துகொள்வார் என்று நம்புவோம்.

பிசிபேளாவிற்கு– ஏற்கனவே கவிஞர் ஹரன்பிரசன்னா என் பிசிபேளாக் குறிப்பைப் படித்து :), சரியாகவே இருப்பதாகச் சொல்லிவிட்டாலும்– எழுத்தாளர் உஷா, தன்னுடைய சிறப்புக் குறிப்பை இன்னும் அனுப்பவில்லை என்பதை இந்த வேளையிலே நினைவுறுத்தக் கடமைப்பட்டுள்ளேன். 🙂
 

தேவையான பொருள்கள்:

தக்காளிக்காய் – 4
எண்ணெய் – 2 டீஸ்பூன்
காய்ந்த மிளகாய் – 4
பச்சை மிளகாய் – 1
உளுத்தம் பருப்பு – 3 டேபிள்ஸ்பூன்
கடலைப் பருப்பு – 1 டேபிள்ஸ்பூன் (விரும்பினால்)
பெருங்காயம்
கறிவேப்பிலை – 2 ஈர்க்கு
கொத்தமல்லித் தழை
உப்பு – தேவையான அளவு

thakkaalikkai thuvaiyal chutney

செய்முறை:

  • தக்காளிக்காயை சிறுதுண்டுகளாக நறுக்கிக் கொள்ளவும்.
  • அடுப்பில் வாணலியில் எண்ணெய் வைத்து, காய்ந்த மிளகாய், உளுத்தம்பருப்பு, கடலைப் பருப்பு, பெருங்காயம், என்ற வரிசையில் சேர்த்து சிவக்க வறுத்து எடுத்துவைத்துக் கொள்ளவும்.
  • அத்துடன் பச்சை மிளகாய், கறிவேப்பிலை, நறுக்கிய தக்காளிக்காய், தேவையான உப்பு சேர்த்து நன்கு பச்சை வாசனை போகும் வரை வதக்கிக் கொள்ளவும்.
  • வறுத்த பருப்புக் கலவையை, கொத்தமல்லித் தழை சேர்த்து, அப்படியே தண்ணீர் விடாமல் மிக்ஸியில் கரகரப்பாக அரைக்கவும்.

* வறுத்த கலவையோடு ஒரு பெரிய வெங்காயத்தையும் சேர்த்து வதக்கி அரைத்து, கடுகு உளுத்தம் பருப்பு தாளித்தால் சட்னி. தோசை, இட்லி, சப்பாத்திக்கு திரும்பத் திரும்ப என்ன சட்னி என்று யோசிக்கவைக்கும். இது வீட்டில் இன்று ஹிட் ஆனது.

தேவையான பொருள்கள்:

கோதுமை – 1 கப்
உளுத்தம் பருப்பு – 1/2 கப்
பச்சை மிளகாய் – 4, 5
தேங்காய் – 1 மூடி
உப்பு
பெருங்காயம்
கறிவேப்பிலை
கொத்தமல்லித் தழை
எண்ணெய்

செய்முறை:

  • கோதுமை, உளுத்தம் பருப்பு இரண்டையும் தண்ணீரில் இரண்டு மணி நேரம் ஊறவைத்து, நீரை வடிக்கவும்.
  • இவற்றுடன் பச்சை மிளகாய், தேங்காய், பெருங்காயம், தேவையான அளவு உப்பு, சிறிது தண்ணீர் சேர்த்து, நன்கு அரைத்து இட்லி மாவுப் பதத்தில் எடுக்கவும்.
  • பொடியாக நறுக்கிய கறிவேப்பிலை, கொத்தமல்லித் தழை சேர்க்கவும்.
  • அடுப்பில் வாணலியில் எண்ணெய் வைத்து, காய்ந்ததும், ஒரு கரண்டியால் மாவை எடுத்து விட்டு, இருபுறமும் பொன்னிறமாக வெந்ததும் எடுக்கவும்.

* அப்பக் குழியிலும் செய்யலாம்.

* உளுத்தம் பருப்பு சேர்ப்பதால் மென்மையாக இருக்கும்.

* தண்ணீரைக் குறைத்துக் கொண்டு இரண்டு கரண்டி தயிர் சேர்த்து அரைத்தால் சுவையாகவும், உள்ளே குழலாகவும் இருக்கும்.

* ஒன்றிரண்டு பச்சை மிளகாய்களை பொடிப் பொடியாக நறுக்கிச் சேர்த்தால் சாப்பிடும்போது மேலும் சுவையாக இருக்கும். குழந்தைகள் கவனம்.

நவராத்திரி நாயகி: ஆட்கொண்ட தாய் மீனாட்சி – மீனாட்சிசங்கர் (மீனாக்ஸ்)

தேவையான பொருள்கள்:

கோதுமை – 1 கப்
உளுத்தம் பருப்பு – 1/2 கப்
வெல்லம் – 350 கிராம்
தேங்காய் – 1 மூடி
ஏலத்தூள்
எண்ணெய்
 

செய்முறை:

  • கோதுமை, உளுத்தம் பருப்பு இரண்டையும் தண்ணீரில் இரண்டு மணி நேரம் ஊறவைத்து, நீரை வடிக்கவும்.
  • இவற்றுடன் வெல்லம், தேங்காய் சிறிது தண்ணீர் சேர்த்து, நன்கு அரைத்து இட்லி மாவுப் பதத்தில் எடுக்கவும்.
  • ஏலப்பொடி கலந்து கொள்ளவும். 
  • அடுப்பில் வாணலியில் எண்ணெய் வைத்து, காய்ந்ததும், ஒரு கரண்டியால் மாவை எடுத்து விட்டு, இருபுறமும் பொன்னிறமாக வெந்ததும் எடுக்கவும்.

* அப்பக் குழியிலும் செய்யலாம்.

* உளுத்தம் பருப்பு சேர்ப்பதால் மென்மையாக இருக்கும்.

நவராத்திரி நாயகி: கரூர் மாரியம்மன் – துளசி கோபால்.

தேவையான பொருள்கள்:

உளுத்தம் பருப்பு – 1/2 கப்
வெங்காயம் – 2 (பெரியது)
பச்சை மிளகாய் – 2
இஞ்சி – சிறு துண்டு
பூண்டு – 4, 5
மஞ்சள் தூள்
மிளகாய்த் தூள் – 1/2 டீஸ்பூன்
கரம் மசாலா – 1 டீஸ்பூன்
உப்பு – தேவையான அளவு
கறிவேப்பிலை
கொத்தமல்லித் தழை
எலுமிச்சைச் சாறு
 

தாளிக்க:
எண்ணெய்
கடுகு
காய்ந்த மிளகாய் – 1
சீரகம் – 2 டீஸ்பூன்
பெருங்காயம்
 

uluththam paruppu dhal fry

செய்முறை:

  • உடைந்த உளுத்தம் பருப்பை நன்கு கழுவி மிளகாய்த் தூள், மஞ்சள் தூள் சேர்த்து குழைந்துவிடாமல் முக்கால் பதத்திற்கு மட்டும் வேகவைத்துக் கொள்ளவும்.
  • வெங்காயம், இஞ்சி, பூண்டை மெலிதாக அரிந்து கொள்ளவும்.
  • அடுப்பில் வாணலியில் எண்ணெய் வைத்து கடுகு, காய்ந்த மிளகாய், சீரகம், பெருங்காயம் தாளிக்கவும்.
  • பச்சை மிளகாய், வெங்காயம், இஞ்சி, பூண்டு, கறிவேப்பிலை சேர்த்து வதக்கவும்.
  • வெங்காயம் வதங்கியதும் வேகவைத்த பருப்பும் உப்பும் சேர்த்து, தேவைப்பட்டால் மேலும் தண்ணீர் விட்டுக் கொதிக்க விடவும்.
  • மிகத் தளர்வான பதத்தில் ஆனால் சேர்ந்தாற்போல் வந்ததும், கரம் மசாலாத் தூள் சேர்த்து மேலும் ஒரு நிமிடம் கொதிக்கவிட்டு இறக்கவும்.
  • ஒரு டீஸ்பூன் நெய், மல்லித் தழை, எலுமிச்சைச் சாறு சேர்த்துக் கலந்து சூடாகப் பரிமாறவும்.

* உடைந்த உளுத்தம் பருப்பை மட்டுமே உபயோகிப்பது நல்லது. முழு உளுத்தம் பருப்பில் வழவழத் தன்மை அதிகம் இருக்கும். உளுந்தை நன்கு நாலைந்து முறை கழுவிவிடுவதும் வழவழப்பைக் குறைக்க உதவும்.

* உளுத்தம் பருப்பு பலருக்கு வாயுத் தொல்லை தரும். அவசியம் இஞ்சி பூண்டு சேர்க்க வேண்டும்.

* விரும்புபவர்கள் தக்காளியும் சேர்க்கலாம். நான் இதில் மேலதிக முயற்சிகளே செய்ததில்லை. செய்வதாகவும் இல்லை.
 

மேட்ச் ஃபிக்சிங் கார்னர்:

சப்பாத்தி வகைகளுக்கு மட்டும்.

சாதத்தோடும் சாப்பிடலாம் என்று பலர் சொல்வார்கள். ஆனால் நம் சாதத்திற்கு நமக்கு ஏற்கனவே சாம்பார், ரசம், கறி, கூட்டு, தயிர் என்று பட்டையைக் கிளப்பும் ரகங்கள் இருக்க இந்த உளுத்தம் பருப்பு தால் ஃப்ரையை உபயோகிக்க வேண்டாம். இதனை சப்பாத்தியோடு நிறுத்திக் கொள்ளலாம் என்பது என் கருத்து. வட இந்தியர்கள் அனைவருக்கும் பிடித்திருக்கிறது. என் வீட்டில் யாருக்குமே இது பிடிப்பதில்லை. 😦 (வழவழப்பைத் தரும் உளுந்து ஃப்ரை, ராஜ்மா மசாலா, காளான் மூன்றும் பாஸாகவில்லை.) உளுந்து பெண்களின் கருப்பைக்கு வலிமையைத் தரும். ஆனால் இட்லி தோசையிலேயே நாம் அதிகம் உபயோகித்து விடுவதால் இந்த வகையில் சேர்க்கவில்லையே என்று நான் கவலைப்படுவதில்லை. மற்றவர்கள் செய்து பார்த்து, பிடித்தால் சாப்பிடலாம்.

தேவையான பொருள்கள்:

சொப்பு செய்ய:
பச்சரிசி – 1 கப்
தண்ணீர் – 2 1/2 கப்
உப்பு – 1 சிட்டிகை
நல்லெண்ணெய் (அல்லது தேங்காயெண்ணெய்)

பூரணம் செய்ய:
உளுத்தம் பருப்பு – 1 கப்
துவரம்பருப்பு – 2 டேபிள்ஸ்பூன் (விரும்பினால்)
மஞ்சள் தூள் – 1 சிட்டிகை (விரும்பினால்)
காய்ந்த மிளகாய் – 4
பச்சை மிளகாய் – 2
தேங்காய்த் துருவல் – 2 டேபிள்ஸ்பூன்
இஞ்சி
கறிவேப்பிலை
பெருங்காயம்
உப்பு

செய்முறை:

சொப்பு:

  • முதலில் பச்சரிசியை நன்கு கழுவி, 2 1/2 கப் தண்ணீரில் 2 மணி நேரம் ஊறவைக்கவும்.
  • அதே தண்ணீரையே விட்டு அரிசியை நன்கு நைசாக அரைத்துக் கொள்ளவும். நனைத்து வைத்த தண்ணீர் மீதமிருந்தால் அதையும் மாவுக் கரைசலிலேயே நீர்க்கக் கலந்து கொள்ளவும். (சொல்ல வருவது, மொத்தம் 1 கப் அரிசிக்கு 2 1/2 கப் தண்ணீர் சேர்ந்திருக்கவேண்டும்.)
  • வாணலியில் மாவுக் கரைசலை விட்டு, இரண்டு டீஸ்பூன் நல்லெண்ணெய், சிட்டிகை உப்பு சேர்த்து நிதானமான தீயில் அடிப்பிடிக்காமல் கிளறவும்.
  • மாவு சேர்ந்து இறுகிவரும் வரை விடாமல் கிளறி (இப்போது பாதி வெந்து நிறம் மாறி இருக்கும்.) இறக்கி, ஒரு துணியில் சுற்றியோ அல்லது பாத்திரத்தில் மூடியோ ஆற வைக்கவும். மாவை திறந்துவைத்து, காயவிடக் கூடாது.

பூரணம்:

uppu kozhukkattai_1 (vinaayagar chathurthi)

  • உளுத்தம் பருப்பு, துவரம் பருப்பு இவற்றைக் கழுவி, தண்ணீரில் ஒரு மணிநேரம் ஊறவைக்கவும்.
  • காய்ந்தமிளகாய், இஞ்சி, காயம், உப்பு சேர்த்து அதிகம் நீர் விடாமல் கெட்டியாக, கரகரப்பாக அரைத்துக் கொள்ளவும்.
  • அரைத்த விழுதை எண்ணெய் தடவிய இட்லித் தட்டுகளில் வைத்து வெயிட் போடாமல் இட்லிகளாக (பருப்பு உசிலிக்குச் செய்வதுபோல்) 12லிருந்து 15 நிமிடங்களுக்கு குக்கரில் வேகவைத்து இறக்கவும்.
  • வெளியே எடுத்து, இட்லிகள் ஆறியதும் லேசாக உதிர்த்து மிக்ஸியில் ஒரு சுற்று சுற்றி, பொடித்துக் கொள்ளவும். (மிக்ஸியில் சுற்றுவதற்கு முன் நன்றாக ஆறியிருக்க வேண்டும் என்பது முக்கியம்.)
  • அடுப்பில் வாணலியில் சிறிது எண்ணெயில் கடுகு தாளித்து, பொடியாக நறுக்கிய கறிவேப்பிலை, பச்சை மிளகாய், தேங்காய்த் துருவல் சேர்த்து சிறிது வதக்கி உதிர்த்த பூரணத்தில் சேர்க்கவும். (பச்சை மிளகாய் வாயில் அகப்படக் கூடாதென நினைப்பவர்கள் ஒரு பச்சை மிளகாயை, மாவு அரைக்கும்போதே சேர்த்து அரைத்துச் கொள்ளலாம். ஆனால் அகப்பட்டால் சுவையாக இருக்கும்.)

கொழுக்கட்டை:

uppu kozhukkattai_2 (vinaayagar chathurthi)

  • ஆறிய அரிசி மாவை நன்றாகப் பிசைந்து, பெரிய நெல்லிக்காய் அளவு உருண்டைகளாக உருட்டிக் கொள்ளவும்.
  • சிறிது நல்லெண்ணெய் தொட்டுக் கொண்டு, பலகையில் கையால் உள்ளங்கை அளவு வட்டங்களாகச் செய்யவும்.
  • 2 டீஸ்பூன் பூரணத்தை உள்ளே வைத்து அரை வட்டமாக மூடி, ஓரங்களைக் கையால் அழுத்தி ஒட்டவும். இனிப்புக் கொழுக்கட்டையில் பிளந்தால், பாகு உருகி வெளியே வந்துவிடுவது போல் பெரிய பிரச்சினை எதுவும் இல்லை என்பதால் இதில் அதிகம் மெனக்கெடத் தேவை இல்லை.
  • செய்துவைத்த கொழுக்கட்டைகளை எண்ணெய் தடவிய இட்லித் தட்டில் வைத்து, குக்கரில் (இட்லி மாதிரி வெயிட் போடாமல்) பத்திலிருந்து பதினைந்து நிமிடம் வரை வேகவைத்து எடுக்கவும்.

பந்து மாதிரி வந்துவிடும். இந்த முறையில் மாவுக்கு கொஞ்சம் இழுவைத் தன்மையும் வந்துவிடும். அதனால் கொழுக்கட்டை செய்யும் போது அதிகம் பிளக்காது. பிளந்தாலும் அந்த இடத்தில் இன்னும் சிறிது மாவு வைத்தாலும் சுலபமாகச் சேர்ந்து கொள்ளும்.

uppu kozhukkattai_3 (vinaayagar chathurthi)

* அரிசிமாவை நான்ஸ்டிக்கில் வைத்துக் கிளறினால் சுலபமாக இருக்கும். மாவு நன்றாக சேர்ந்து வந்தபின்பும் மேலும் 2, 3 நிமிடங்கள் கிளறிக் கொண்டே இருந்தால்(இது சாதா வாணலியில் அடிப்பிடிக்கும்; கருகும்.) மாவு நன்றாக,

* சிலர் ஊறவைத்து உலர்த்திய அரிசியை மிஷினிலோ மிக்ஸியிலோ வறட்டு மாவாக அரைத்துவைத்துக் கொண்டு, 2 பங்கு தண்ணீரைக் கொதிக்கவைத்து, அதில் மாவைக் கொட்டிக் கிளறுவார்கள். ஆனால் அதில் இருக்கும் கட்டிதட்டிவிடக் கூடிய சாத்தியங்கள் மேற்சொன்ன முறையில் அறவே இல்லை.

* மிஷின் இல்லாமல், மிக்ஸியிலும் சரியாக அரைக்க முடியாதவர்கள், சல்லடையை ம்யூசியத்தில் தேடுபவர்கள் :), அதைவிட முக்கியமாக மேல்மாவு சரியாக கொழுக்கட்டை செய்ய வரவேண்டுமே என்று கவலைப்படுபவர்களுக்கெல்லாம் மேலே சொன்னதே ஆகச் சுலபமான முறை. தைரியமாகச் செய்து பார்க்கவும்.

* தயாரித்த பூரணம் தீர்ந்து, சொப்பு மாவு மிஞ்சினால் அதில் மணிக் கொழுக்கட்டை செய்யலாம். பூரணம் மிஞ்சினால், சின்ன உருண்டைகளாக்கி, கரைத்த பஜ்ஜிமாவில் தோய்த்து, போண்டோ மாதிரி எண்ணெயில் பொரித்தெடுக்கலாம்.

* அரிசி மாவினால் தான் கொழுக்கட்டைக்குச் சொப்பு செய்யவேண்டும் என்பதில்லை. மைதா மாவையும் தண்ணீரில் கரைத்து வேகவைத்துச் செய்யலாம். இன்னும் நன்றாக வரும்.

இனிப்புக் கொழுக்கட்டை

தேவையான பொருள்கள்:

பச்சரிசி – 2 கப்
உளுத்தம் பருப்பு – 1/4 கப்
சீரகம் – 2 டீஸ்பூன்
பெருங்காயம்
உப்பு
வெண்ணை
தேங்காய் எண்ணெய்

செய்முறை:

  • அரிசியைச் சூடு வர சற்று வறுத்துக் கொண்டு, சூடு ஆறியபின் நன்றாகக் களைந்து, நீரை வடியவைத்து பொடித்து, நைசான சல்லடையில் சலித்துக் கொள்ளவும். (வறுத்த அரிசி அதிகமாக ஊறக் கூடாது.)
  • உளுத்தம் பருப்பை சிவக்க வறுத்து நைசாக மாவாக்கிக் கொள்ளவும்.
  • காயம், உப்பு, இவைகளைக் கரைத்துவிட்டு, வெண்ணை, சீரகத்தையும் சேர்த்து, சிறிது தண்ணீர்விட்டுப் பிசையவும்.
  • கையில் சிறு உருண்டையாக எடுத்து மெதுவாக முறுக்குகளாகச் சுற்றி(ஞே!), எண்ணெயில் நிதானமான சூட்டில், இருபுறமும் பொன்னிறமாகும் வரை பொரித்து, ஓசை அடங்கியது எடுக்கவும்.

* தண்ணீர் விட்டுப் பிசைந்த மாவு அதிக நேரம் இருந்தால் மாவு புளித்து, முறுக்கு சிவக்க ஆரம்பித்துவிடும். எனவே 2 கப் மாவிற்கு மேல் முறுக்கு தேவைப்பட்டால் 2, 3 தடவையாகப் பிசைந்து கொள்ளவும்.

* சீரகத்திற்குப் பதில் கருப்பு எள்ளைத் தேய்த்தோ அல்லது வெள்ளை எள்ளோ சேர்க்கலாம்.

* பச்சரிசிக்குப் பதில் புழுங்கல் அரிசி ஊறவைத்து, நீரை வடித்து, அதிகம் தண்ணீர் விடாமல் கிரைண்டரில் கெட்டியாக ஆனால் நைசாக அரைத்து, அத்துடன் உளுத்தம் மாவு, சீரகம் எள், வெண்ணை சேர்த்துப் பிசைந்தும் முறுக்குச் சுற்றலாம்.

* வேறு எண்ணெயில் பொரித்தாலும் பிசையும்போது 2 டேபிள்ஸ்பூன் தேங்காய் எண்ணெய் விட்டுப் பிசைந்தால், தேங்காய் எண்ணெயில் செய்தது போலவே மணமாக இருக்கும்.

1.
தேவையான பொருள்கள்:

புழுங்கல் அரிசி – 2 கப்
உளுத்தம் பருப்பு – 1/4 கப்
பொட்டுக் கடலை – 4 டேபிள்ஸ்பூன்
பயத்தம் பருப்பு – 4 டேபிள்ஸ்பூன்
கடலைப் பருப்பு –  4 டேபிள் ஸ்பூன்
தேங்காய்த் துருவல் – 4 டேபிள்ஸ்பூன் (விரும்பினால்)
எள் – 2 டேபிள்ஸ்பூன்
கறிவேப்பிலை
காரப் பொடி
பெருங்காயம்
உப்பு
வெண்ணை
எண்ணெய்

thattai1_sreejayanthi

செய்முறை:

  • புழுங்கல் அரிசியை நன்கு களைந்து, நீரில் ஊறவைத்து, கெட்டியாக ஆனால் நைசாக கிரைண்டரில் அரைக்கவும்.
  • இத்துடன் உளுத்தம் மாவு(வறுத்து அரைத்தது), உப்பு, பெருங்காயப் பொடி, பயத்தம் பருப்பு கடலைப் பருப்பு, பொட்டுக் கடலை, தேங்காய்த் துருவல், வெண்ணை சேர்த்துப் பிசைந்து கொள்ளவும்.
  • பொடியாக நறுக்கிய கறிவேப்பிலை சேர்த்து அழுத்தாமல் லேசாகக் கலந்துகொள்ளவும்.
  • பிளாஸ்டிக் பேப்பர் அல்லது வெள்ளைத் துணியில் மெல்லிய வட்டமாகத் தட்டி எண்ணெயில் பொரித்தெடுக்கவும்.

2.
புழுங்கல் அரிசியோடு பச்சை மிளகாய், உப்பு, பெருங்காயம், ஒரு துண்டு இஞ்சி, இவைகளை நைசாக அரைத்து, உளுத்தம் மாவு, வெண்ணை சேர்த்து மெலிதாகத் தட்டினால் கரகரப்பாக இருக்கும். கறிவேப்பிலை மல்லித் தழையும் பொடியாக நறுக்கிச் சேர்க்கலாம்.

thattai2_sreejayanthi

3.
புழுங்கல் அரிசி மாவுடன், உளுத்தம் மாவு, வெண்ணை, உப்பு, எள், பெருங்காயத் தூள், காரத் தூள் சேர்க்கும்போது ஊறவைத்து நீரை ஒட்ட வடித்த பயத்தம் பருப்பு, கடலைப் பருப்பு, நறுக்கிய நிலக்கடலை, முந்திரிப் பருப்பு, வெள்ளரி விதை, பரங்கிவிதை, பெரிய ஜவ்வரிசி இவைகளில் சிலவற்றையோ, எல்லாவற்றையுமோ சேர்த்தும் தட்டலாம்.

4.
புழுங்கல் அரிசிக்குப் பதில் பச்சரிசியைக் களைந்து அரை மணி நேரம் ஊறவைத்து நிழலில் உலர்த்தி, மிக்ஸியில் அரைத்துச் சலித்த மாவையும் உபயோகிக்கலாம்.

* தேன்குழல், ரிப்பன், தட்டை போன்றவை நமுத்துப் போகாமல் மொறுமொறுவென்று இருக்க, மாவை வெந்நீர் ஊற்றிப் பிசைந்து செய்யலாம்.

* தட்டைகளை வேகமாகத் தட்ட, பிளாஸ்டிக் ஷீட்டில் அடியில் எண்ணெய் தடவி, உருண்டையை வைத்து, மேலேயும் ஒரு எண்ணெய் தடவிய ஷீட்டை வைத்து, டபராவால் தேய்த்தால் வேகமாகச் செய்துவிடலாம்.

தேவையான பொருள்கள்:

முழு உளுந்து – 2 கப்
சீரகம் –  2 டீஸ்பூன்
மிளகு – 3 டேபிள்ஸ்பூன்
உப்பு – தேவையான அளவு
எண்ணெய்.

செய்முறை:

  • மிளகு, சீரகத்தை ஒன்றிரண்டாக உடைத்துக் கொள்ளவும்.
  • உளுந்தைக் நீரில் கழுவி, 15 அல்லது 20 நிமிடங்கள் மட்டும் ஊறவைக்கவும்.
  • தண்ணீர் சேர்க்காமல், சாதாரணமாக வடைக்கு அரைப்பதை விடவே அதிக நைசாக அரைத்துக் கொள்ளவும்.
  • அதில் உடைத்த மிளகு, சீரகம், உப்பு சேர்த்துப் பிசையவும்..
  • வாணலியில் எண்ணெயைச் சூடாக்கி, எண்ணை தடவிய இலை அல்லது ப்ளாஸ்டிக் பேப்பரில் தட்டையாகத் தட்டி, நடுவில் துளை இட்டு, காய்ந்துகொண்டிருக்கும் எண்ணெயில் நன்கு பொரித்தெடுக்கவும்.

* அரைத்து அதிக நேரம் வைத்திருந்தால் நிறம் மாறிவிடும். உடனே செய்துவிட வேண்டும்.

* சாப்பிட தட்டை மாதிரி கடினமாக இருக்கும். பலநாள்களுக்குக் கெடாது.

* துளை வழியாக நூலில் மாலையாகக் கட்டி அனுமாருக்குச் சாற்றலாம்.
 

தேவையான பொருள்கள்:

புழுங்கல் அரிசி – 1 1/2 கப்
பச்சரிசி – 1 1/2 கப்
முழு உளுத்தம் பருப்பு – 1 கப் (தோல் நீக்கியது)
வெந்தயம் – 1 டேபிள்ஸ்பூன்
உப்பு – தேவையான அளவு
எண்ணை – தேவையான அளவு

செய்முறை:

  • அரிசிகள், வெந்தயம், பருப்பை ஒன்றாக 4 மணிநேரம் தண்ணீரில் ஊற வைக்கவும்.
  • கிரைண்டரில் அவ்வப்போது தண்ணீர் சேர்த்து நன்றாக அரைத்துக் கொள்ளவும். மிக மிக மென்மையாக, மாவில் கொப்புளங்கள் வரும்வரை அரைக்க வேண்டும்.
  • அரவை முடிக்கும்போது உப்பு சேர்த்து மேலும் ஒரு நிமிடம் கிரைண்டரை ஓடவிடவும்.
  • மாவை கொஞ்சம் பெரிய பாத்திரத்தில் எடுத்து வைக்கவும்.
  • இந்த மாவில் அடுத்த அரைமணி நேரத்தில் தோசை செய்யலாம். அல்லது ஒரு 6,7 மணி நேரங்கள் வெளியே வைத்து, மாவைப் பொங்கவைத்தும் செய்யலாம்.
  • தோசைக் கல்லை சூடாக்கி, மாவை நடுவில் விட்டு, சுற்றி மெல்லிய வட்டமாகப் பரத்த வேண்டும். அடுப்பை நிதானமாக எரிய விடவும்.
  • சுற்றிலும் ஒரு டீஸ்பூன் எண்ணை விட்டு, சிவந்ததும் திருப்பிப் போட வேண்டும். சுலபமாகத் திருப்ப முடியும்.
  • அடுத்தப் பக்கம் அதிக நேரம் வேகத் தேவை இல்லை. இதற்கு, கல்தோசை என்று பெயர். கொஞ்சம் மொறுமொறுப்பாக வரும்.  

 * மொறுமொறுப்பில்லாமல் கொஞ்சம் சாஃப்டான தோசை தேவை என்றால் பச்சரிசியை அதிகரித்து புழுங்கலரிசியைக் குறைத்தோ (2:1) அல்லது முற்றிலும் பச்சரிசி மட்டுமே உபயோகித்தோ செய்யலாம். இதற்கு மெதுதோசை என்று பெயர். பச்சரிசி தோசை ஸ்பான்ச் மாதிரி இருக்கும்.

* தோசைக்கான அந்தச் சிவந்த நிறத்தை, வெந்தயம் தருகிறது.

மேட்ச் ஃபிக்சிங் கார்னர்:

தேங்காய்ச் சட்னி, வெங்காயச் சட்னி, தக்காளிச் சட்னி, கொத்தமல்லிச் சட்னி, புதினாச் சட்னி, சின்ன வெங்காயச் சாம்பார், தக்காளிக் கொத்சு, இட்லி(தோசை) மிளகாய்ப் பொடி, உருளைக் கிழங்கு மசாலா.

“எல்லாவற்றுள்ளும் இனிய பேரனுபவும் ஒன்று இருப்பதை உணர்ந்தவருக்கு ஒரு நாள் என்பது ஒரு பரிசு. உணவில் அவருக்கு வெறி இல்லை, ஆனால் சாப்பிடும்போது ரசித்துச் சாப்பிடுவார். தோசை அவருக்கு மிகமிகப் பிடித்தமானது. தோசைக்கு கீரை மசியலும் கெட்டித் தயிரும் தொட்டுக்கொள்வதைத் தான் என்னால் கடைசிவரை ஏற்கவே முடியவில்லை.”

இந்த மேட்ச் ஃபிக்சிங் குறிப்பு, யார், யாரைப் பற்றி, எங்கே சொன்னது? :))