தேவையான பொருள்கள்:

கோதுமை – 1 கப்
உளுத்தம் பருப்பு – 1/2 கப்
பச்சை மிளகாய் – 4, 5
தேங்காய் – 1 மூடி
உப்பு
பெருங்காயம்
கறிவேப்பிலை
கொத்தமல்லித் தழை
எண்ணெய்

செய்முறை:

  • கோதுமை, உளுத்தம் பருப்பு இரண்டையும் தண்ணீரில் இரண்டு மணி நேரம் ஊறவைத்து, நீரை வடிக்கவும்.
  • இவற்றுடன் பச்சை மிளகாய், தேங்காய், பெருங்காயம், தேவையான அளவு உப்பு, சிறிது தண்ணீர் சேர்த்து, நன்கு அரைத்து இட்லி மாவுப் பதத்தில் எடுக்கவும்.
  • பொடியாக நறுக்கிய கறிவேப்பிலை, கொத்தமல்லித் தழை சேர்க்கவும்.
  • அடுப்பில் வாணலியில் எண்ணெய் வைத்து, காய்ந்ததும், ஒரு கரண்டியால் மாவை எடுத்து விட்டு, இருபுறமும் பொன்னிறமாக வெந்ததும் எடுக்கவும்.

* அப்பக் குழியிலும் செய்யலாம்.

* உளுத்தம் பருப்பு சேர்ப்பதால் மென்மையாக இருக்கும்.

* தண்ணீரைக் குறைத்துக் கொண்டு இரண்டு கரண்டி தயிர் சேர்த்து அரைத்தால் சுவையாகவும், உள்ளே குழலாகவும் இருக்கும்.

* ஒன்றிரண்டு பச்சை மிளகாய்களை பொடிப் பொடியாக நறுக்கிச் சேர்த்தால் சாப்பிடும்போது மேலும் சுவையாக இருக்கும். குழந்தைகள் கவனம்.

நவராத்திரி நாயகி: ஆட்கொண்ட தாய் மீனாட்சி – மீனாட்சிசங்கர் (மீனாக்ஸ்)

தேவையான பொருள்கள்:

கோதுமை மாவு – 1 கப்
வெல்லம் – 1/2 கப்
ரவை – 1 டேபிள்ஸ்பூன்
மைதா – 1 டேபிள்ஸ்பூன்
தேங்காய்த் துருவல் – 1/4 கப்
ஏலப்பொடி
எண்ணெய்

செய்முறை:

  • கோதுமை மாவை நன்கு சலித்துக் கொள்ளவும்.
  • சிறிது தண்ணீர் விட்டு வெல்லத்தை அதில் கரைத்துக் கொள்ளவும்.
  • அதில் கோதுமை மாவு, ரவை, மைதா, தேங்காய்த் துருவல், ஏலப்பொடி சேர்த்து தேவைப்பட்டால் இன்னும் சிறிது நீர் சேர்த்து இட்லிமாவு பதத்தில் கரைத்துக் கொள்ளவும்.
  • அடுப்பில் வாணலியில் எண்ணெய் வைத்து, காய்ந்ததும், ஒரு கரண்டியால் மாவை எடுத்து விட்டு, இருபுறமும் பொன்னிறமாக வெந்ததும் எடுக்கவும்.

* அப்பக் குழியிலும் செய்யலாம்.

* விரும்புபவர்கள் நன்கு பழுத்த ஒரு வாழைப்பழத்தையும் நன்கு மசித்துக் கலந்து கொள்ளலாம். மிகுந்த மென்மையாக வரும்.

நவராத்திரி சிறப்புக் கட்டுரை: சக்தி வழிபாடு – சித்ரா ரமேஷ்.

தேவையான பொருள்கள்:

கோதுமை – 1 கப்
உளுத்தம் பருப்பு – 1/2 கப்
வெல்லம் – 350 கிராம்
தேங்காய் – 1 மூடி
ஏலத்தூள்
எண்ணெய்
 

செய்முறை:

  • கோதுமை, உளுத்தம் பருப்பு இரண்டையும் தண்ணீரில் இரண்டு மணி நேரம் ஊறவைத்து, நீரை வடிக்கவும்.
  • இவற்றுடன் வெல்லம், தேங்காய் சிறிது தண்ணீர் சேர்த்து, நன்கு அரைத்து இட்லி மாவுப் பதத்தில் எடுக்கவும்.
  • ஏலப்பொடி கலந்து கொள்ளவும். 
  • அடுப்பில் வாணலியில் எண்ணெய் வைத்து, காய்ந்ததும், ஒரு கரண்டியால் மாவை எடுத்து விட்டு, இருபுறமும் பொன்னிறமாக வெந்ததும் எடுக்கவும்.

* அப்பக் குழியிலும் செய்யலாம்.

* உளுத்தம் பருப்பு சேர்ப்பதால் மென்மையாக இருக்கும்.

நவராத்திரி நாயகி: கரூர் மாரியம்மன் – துளசி கோபால்.

தேவையான பொருள்கள்:

பச்சரிசி – 1 கப்
வெல்லம் – 1 கப்
தேங்காய்
ஏலப்பொடி
எண்ணெய்

appam_sreejayanthi

செய்முறை:

  • முதல் நாளே, அரிசியை அரை மணி நேரம் ஊறவைத்து, நீரை வடித்து, சிறிது உலர்த்தி, மிக்ஸியில் பொடித்து, நைசான சல்லடையில் சலித்துக் கொள்ளவும்.
  • 1/4 கப் தண்ணீரில் வெல்லத்தைப் போட்டு பாகு காய்ச்சவும்.
  • முற்றிய பாகாக வந்ததும், ஏலப்பொடி, பொடியாக நறுக்கிய தேங்காய்த் துண்டுகள் சேர்த்து இறக்கவும்.
  • மாவை பாகில் செலுத்தி மூடிவைக்கவும்.
  • மறுநாள் இறுகி இருந்தால், சிறிது பால் தெளித்து இட்லிமாவு பதத்திற்குத் தளர்த்திக் கொள்ளவும்.
  • அடுப்பில் வாணலியில் எண்ணை வைத்து, காய்ந்ததும், அப்ப மாவை சிறு கரண்டியால் எடுத்து எண்ணெயில் விடவும்.
  • திருப்பிவிட்டு, இரண்டு பக்கமும் பொன்னிறமாக வெந்ததும் எடுக்கவும்.

* வெல்லம் அதிகமாகி, அப்பம் எண்ணெயில் பிரிந்து போனால் மேலும் சிறிது மாவு சேர்த்துக் கொள்ளவும்.

* சிலர் வறுத்த எள்ளும் சேர்த்துக் கொள்வார்கள். நான் சேர்ப்பதில்லை.

* அதிகம் இரண்டு மூன்று அப்பங்களுக்கு மேல் எண்ணெயில் ஒரே நேரத்தில் இடாமல் பார்த்துக் கொள்ளவும். மிகச் சிறிய வாணலியில் ஒவ்வொன்றாகச் செய்தாலும் சரியே. அப்பக் குழியிலும் செய்யலாம்.

* பொதுவாக, அப்பத்திற்கு வாணலியில் எண்ணை கொஞ்சம் அதிகமாகவே வைத்து நிதானமான தீயில் பொறுமையாகப் பொரித்தெடுத்தால் சுவையாக வரும்.