ஏற்கனவே எள் உருண்டை வெல்லத்தில் செய்வது இங்கே சொல்லியிருக்கிறேன். அதையும் செய்யலாம்.

தேவையான பொருள்கள்:

வெள்ளை எள் – 2 கப்
சர்க்கரை – 1 கப்
ஏலக்காய்
பச்சைக் கற்பூரம் (விரும்பினால்)
நெய் 2 டேபிள்ஸ்பூன்

செய்முறை:

  • வெள்ளை எள்ளை நன்கு சுத்தம் செய்து, தண்ணீரில் 2 மணி நேரம் ஊறவைக்கவும்.
  • மீண்டும் தண்ணீரில் கழுவி, நீரை ஒட்ட வடித்து, வெயிலில் காயவிடவும்.
  • காய்ந்த எள்ளை மிக்ஸியில் பொடிக்கவும்.
  • சர்க்கரையையும் ஏலக்காய் சேர்த்துப் பொடித்துக் கொள்ளவும்.
  • இரண்டுடன் பச்சைக் கற்பூரமும் கலந்து, நெய்யைச் சூடாக்கி அதில்விட்டுப் பிசிறி உருண்டைகளாகப் பிடிக்கவும்.

* பொதுவாக சிலர் நவராத்திரி மாதிரி பண்டிகைகளில் முழு எள்ளை உருண்டையாகப் பிடிப்பதில்லை. அதனால் பொடியாக்கிக் கொள்ளலாம். சிலர் பொடியையும் உருண்டையாக்காமல் அப்படியே பொடியாகவே உபயோகிப்பர். அப்படியும் செய்யலாம்.

* இது அதிக நாள்கள் கெடாமல் இருக்கும். எந்த வயதினரும் தினம் ஒன்று சாப்பிட்டால் மிகுந்த பலத்தைக் கொடுக்கும்.

நவராத்திரி நாயகி: திருமீயச்சூர் லலிதாம்பிகை – ராமசந்திரன் உஷா.