1.
ஒரு கப் பயத்தம் பருப்பை ஒரு கப் தண்ணீரில் குக்கரில் வேகவைத்து, நன்றாக மசித்து, அத்துடம் 4 கப் பச்சரிசி மாவு கலந்து, தேவையான உப்புத் தூள், எள் சேர்த்து கெட்டியாகப் பிசைந்து தேன்குழல் செய்யலாம்.

2.
ஒரு கப் பயத்தம் பருப்பு, ஒரு கப் கடலைப் பருப்பு, ஒரு கப் உளுத்தம் பருப்பை தனித்தனியாக வறுத்து, மிக்ஸியில் சேர்த்து அரைத்துக் கொள்ளவும். ஒரு கப் பருப்பு மாவிற்கு இரண்டு கப் அரிசி மாவு, 2 டேபிள்ஸ்பூன் வெண்ணை, ஓமம் அரைத்து வடிகட்டிய நீர், உப்பு சேர்த்து தேவையான நீர் விட்டுப் பிசைந்து தேன்குழல் அச்சில் பிழிந்து எண்ணெயில் பொரிக்கலாம்.

3.
3 கப் அரிசியையும்(ஊறவைக்காதது), 1 கப் உளுத்தப் பருப்பையும் தனித் தனியாக வறுத்துக் கொண்டு, நைசாக அரைத்து, சிறிது சூடுபடுத்திய எண்ணெய், உப்பு, சீரகம் சேர்த்து தேன்குழல் செய்யலாம்.

Advertisements