தேவையான பொருள்கள்:

பச்சரிசி – 2 கப்
சர்க்கரை – 1 கப்
தேங்காய்த் துருவல் – 1/2 கப்
சமையல் சோடா – 1 டீஸ்பூன்
ஏலப்பொடி
எண்ணெய்

செய்முறை:

  • பச்சரிசியை அரை மணி நேரம் ஊறவைத்து, நீரை வடித்து, மிக்ஸியில் பொடித்து, மாவாக சலித்துக் கொள்ளவும்.
  • ஒரு பாத்திரத்தில் அரிசிமாவு, தேங்காய்த் துருவல், சர்க்கரை, ஏலப்பொடி, சமையல் சோடா ஆகியவற்றைப் போட்டு நன்றாகக் கலந்து வைக்கவும்.
  • சுமார் ஒன்றிரண்டு மணி நேரம் கழித்துப் பார்த்தால் அரிசிமாவு, தேங்காய்த் துருவலில் இருக்கும் ஈரப்பசையால் சர்க்கரை கரைந்து, கலந்து, மாவுடன் படிந்து, பாகில் செலுத்திய அதிரச மாவு மாதிரி ஆகியிருக்கும்.
  • அடுப்பில் வாணலியில் எண்ணெய் காய்ந்ததும், நிதானமான தீயில், கையில் எண்ணெய் தொட்டுக் கொண்டு, மாவை சிறு உருண்டைகளாக உருட்டி, அதிரசமாகத் தட்டிப் போட்டு, இருபுறமும் வெந்ததும் எடுக்கவும்.