பருப்புத் துவையல்

தேவையான பொருள்கள்:

துவரம் பருப்பு – 1/2 கப்
பெருங்காயம்
எண்ணை – 1 டீஸ்பூன்
காய்ந்த மிளகாய் – 1 (விரும்பினால்)
தேங்காய் – 1 டீஸ்பூன்(மட்டும்)
உப்பு – தேவையான அளவு

செய்முறை:

• அடுப்பில் வாணலியில் எண்ணை விட்டு காய்ந்த மிளகாய், துவரம் பருப்பு, பெருங்காயம் சேர்த்து நிதானமான தீயில் பச்சை வாசனை போக, கருகிவிடாமல் நன்கு கிளறிவிட்டுக் கொண்டே, சிவக்க வறுக்கவும்.
• ஆறியதும் மிக்ஸியில் போட்டு, உப்பு, தேங்காய் சேர்த்து, சிறிது சிறிதாகத் தண்ணீர் சேர்த்து, மிகவும் நைசாக அரைக்கவும்.

மேட்ச் ஃபிக்சிங் கார்னர்:

சூடாக, தளரக் கலந்த வத்தக் குழம்பு, மிளகுக் குழம்பு அல்லது எந்தக் காரக் குழம்பு சாதத்திற்கு ஏற்றது. மிளகு ரசம் சாதத்துடனும் அருமையாகச் சேரும்.